Friday, January 18, 2013

WASANII WA FILAMU BONGO KUPELEKWA NIGERIA

  Mkurugenzi wa Mad Mad Entertainment, Yasmin Razak (katikati) akizungumza na waandishi wa habari jijini Dar es Salaam jana kuhusu kampuni yake kuingia mikataba na wasanii wa filamu wa Tanzania watakaokwenda Nigeria na Jamahuri  ya Kidemokrasia ya Kongo (DRC) kwa ajili ya kutengeza filamu. Kushoto ni Mkurugenzi Mtendaji wa Kampuni ya Superior, Issack Kasanga na Rais wa Shirikisho la Filamu Tanzania, Simon Mwakifamba. 


Msanii wa filamu, Steve Nyerere (kulia) akifafanua jambo wakati wa mkutano hupo.Kushoto ni Mkurugenzi Mtendaji wa Kampuni ya Superior, Issack Kasanga na Rais wa Shirikisho la Filamu Tanzania, Simon Mwakifamba.  

------------------------------------------------------------------
Wasanii wa Bongo Movies wana nafasi ya kuongeza wigo wa kazi zao katika soko la kimataifa baada ya kampuni ya Mad Mad Entertainment ya nchini Uingereza kuanzisha mchakato wa kupeleka wasanii wa tasnia hiyo nje ya nchini.Lengo la mpango huo ni katika jitihada za kuikuza tasnia hiyo nchini.


Kwa mujibu wa Mkurugenzi Mtendaji wa kampuni hiyo Bi. Yasmin Razak kwa muda mrefu aliokaa nchini Uingereza hajaona kama kuna maendeleo kwenye tasnia ya filamu nchini Tanzania.

Akiongea na waandishi wa habari jijini Dar es Salaam, Razak alisema ndio maana ameamua kuanzisha mradi huo ili kuikuza sanaa hiyo.

“Katika mkataba na kampuni msanii atakayetengeneza filamu na wasanii wa nje atalipwa kiasi cha sh 50 milioni pamoja na malipo mengine yatakayokuwepo kwenye mkataba, ikiwa ni pamoja na asilimia fulani kwa kila kazi itakayouzwa hapa nchini,” alisema.

“Nimekuwa nikifanya kazi hiyo na wasanii wengi kutoka Nigeria wakiwemo kina Omotola, Two Face na wengineo na pia Ghana, Congo na hata Uingereza, hivyo nimeonelea kuwa itakuwa vema Tanzania nao kuingia katika mchakato huo.”

Razak ambaye amewahi kufanya kazi ya filamu na Fally Ipupa, alitaja vigezo vya msanii atakayechaguliwa ikiwa ni pamoja na umaarufu, kuijua lugha ya kiingereza, uwezo wa kuigiza na kuuvaa uhusika wowote pamoja na mavazi.
==
Bonyeza HAPA kudownload applicationi ya Ubuyu Blog kwenye simu yako ili kupata habari zetu Haraka
Tupe Maoni Yako, Matusi Hapana!